电视剧类型有好多，例如浪漫爱情、轻松温情、惊悚吓人等等。
而其中最吸引人追睇嘅就系悬疑推理剧，因为睇住主角一步步抽丝剥茧，破解案情，同坏人斗智斗力，到最后布局一步一步拆开，真相浮现，果仲心理刺激简直系非言语可描述。以下呢啲TVB十大经典悬疑推理剧，你有无全部睇过？
1. 《刑事侦缉档案》系列
《刑事侦缉档案》系列共有四部，第一部由陶大宇，梁荣忠同郭可盈主演；第二部加入咗郭蔼明；第三部加入咗陈法蓉；而第四部系陈锦鸿、古天乐、宣萱同埋佘诗曼。四部所描述嘅案件都系扑朔迷离，剧情十分好睇，堪称TVB悬疑推理剧经典中嘅经典。
2. 《鉴证实录》系列
《鉴证实录》系列由林保怡同陈慧珊主演。陈慧珊饰演一名法医官，，两人透过法医嘅解剖去破案～
3. 《法证先锋》系列
《法证先锋》由欧阳震华、林文龙、蒙嘉慧及钟嘉欣领衔主演；《法证先锋2》由欧阳震华、林文龙、郑嘉颖、佘诗曼及蒙嘉慧领衔主演；而《法证先锋3》则由黎耀祥、张可颐、徐子珊及吴卓羲领衔主演。成个故事都系围绕以法证嚟破案。《法证先锋》亦都被称为时装版嘅《洗冤录》。
4. 《洗冤录》系列
讲完《法证先锋》，当然要讲《洗冤录》。《洗冤录》同样由欧阳震华、林文龙主演，另外仲加上陈妙瑛及宣萱。此剧系根据南宋名人宋慈所著嘅法医学题材书籍《洗冤集录》为基础，再将著作改编成剧集。
5. 《隔世追凶》
《隔世追凶》由郭晋安、陈慧珊、邓健泓、江芷妮及许绍雄领衔主演。一众主角隔世查案嘅过程真系睇到一步一惊心。
6. 《栋笃神探》
《栋笃神探》由黄子华同蔡少芬领衔主演。一般嘅推理剧气氛会比较紧张，但《栋笃神探》因为有男神子华嘅加入，所以走嘅系轻松侦探路线，剧中有大量金句产生。（14年我哋出文讲过：黄子华·电视剧金句系列－－《栋笃神探》）
7. 《古灵精探》系列
《古灵精探》系列亦系走轻松侦探路线，由郭晋安、郭羡妮主演。当中郭晋安饰演嘅特别凶案调查分部警长系靠通灵感应嚟破案。
8. 《通天干探》
《通天干探》由元彪、陈豪、郑嘉颖、黎姿、蒙嘉慧及邵美琪领衔主演。元彪饰演嘅干探破案无数，喺警界颇有声名。佢拥有预知未来嘅能力，更遭到一系列神秘而不可思议嘅经历。剧集中嘅破案故事大多都系同超自然现象有关。
9. 《卫斯理》
《卫斯理》由罗嘉良、蒙嘉慧、唐文龙、杨怡、杨明及麦长青联合主演。故事改篇自科幻小说卫斯理系列。八个被改编嘅故事包括《纸猴》、《尸变》、《木炭》、《寻梦》、《蛊惑》、《神仙》、《鬼混》同《盗墓》。故事背景则设定为民初嘅上海。
10. 《迷离档案》
《迷离档案》系时装科幻悬疑剧，由罗嘉良、张可颐、张家辉、关宝慧、何超仪主演。故事讲述连串嘅离奇怪异事件发生喺男女主角身边，主张以科学研究推翻迷信言论嘅男主角，以科学理论将一切怪事嘅谜底一一揭开。
真系套套都咁经典咁好睇。喂，咁你最钟意边套先？
金句王
微信号：jinjuking
睇金句王，爽过去爆房！
每日发布粤港澳第一手开心嘢！
粤语 | 爆笑 | 搞嘢 | 吹水 | 抵死 | 顶瘾
欢迎搭讪 投稿都啱 合作更赞 小编微信: KingKingGuy